Апастово-информ

Апас районы

18+
Рус Тат
2024 - год Семьи
Җәмгыять

Татарстанда бер ир-атның баш миенә теш щеткасы кереп кадалган

Теш щеткасының шома кырыйлары баш миен тишмичә, «аерып кына» кереп киткән.

Татарстан Республика клиник хастаханәсе табиблары бер ир-атның башына кереп кадалган теш щеткасын алган. Хастаханәгә китергән чакта ир-ат үз аңында була. Аңа КТ ясыйлар, баш миенең бик әһәмиятле урыннарына зыян килмәве ачыклана. Бу турыда хастаханәнең матбугат хезмәтенә сылтама белән «Татар-информ» хәбәр итте.

Пациент — үзе дә табиб, ул ерак төбәктә яши. Ел ярым элек аның башы имгәнә, баш миенә ачык операция ясыйлар. Ул озак дәвалана, аңа операцияләр ясарга туры килә, травма булган урында баш тиресен торгызу өчен дәвалыйлар.  

Хастаханәгә китергән кичтә теш щеткасы кылларына кадәр диярлек баш эченә кереп киткән. Ул алдан травма булган урынга кадалган. Теш щеткасының шома кырыйлары баш миен тишмичә, «аерып кына» кереп киткән. Шул сәбәпле кан күп акмаган, гематомалар да, баш миенә басым да булмаган, диелә РКБ хәбәрендә.

РКБ табиблары баш миендәге теш щеткасын алган. Бу вакытта ир-ат һәр мизгелдә үлү куркынычы булган. Бәхеткә, бар да яхшы узган. Дүрт сәгать операциядән соң, ир-атны реанимациягә күчергәннәр. Теш щеткасы баш миенә ничек итеп кергәне билгесез, диелә хәбәрдә.

Чыганак: https://intertat.tatar/news/incident/21-02-2022/tatarstanda-ber-ir-atny-bash-mien-tesh-schetkasy-kerep-kadalgan-5849829

 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев