Ваннада телефон тотып яткан кыз ток сугудан үлгән

27 февральдә Абакан шәһәрендә 12 яшьлек кыз бала ваннада ток сугудан үлгән. Аның телефоны зарядкага тоташтырылган килеш суга төшкән булган. Бу турыда Россия Тикшерү комитетының Красноярск крае буенча Тикшерү идарәсенә сылтама белән «Комсомольская правда» хәбәр итте.

Кич белән кыз ваннага керә. Ул телефонын зарядкага куя һәм озынайткыч аша кулына тотып ята. Бер мизгелдә телефон суга төшеп китә. Бала кычкырырга өлгерә һәм һәлак була.

Әти-әнисе тапканда бала аңсыз, ваннага су тулган, су эчендә телефон йөзеп йөри. Ашыгыч ярдәм килгән чакта бала инде үлгән була.

Тикшерү эшләре бара, диелә хәбәрдә.

Чыганак: https://intertat.tatar/news/incident/01-03-2022/vannada-telefon-totyp-yatkan-kyz-tok-sugudan-lg-n-5850327