15 минутта грушадан десерт ясау рецепты

Гади, әмма тәмле десертны бары 15 минутта өйдә дә ясап була. Мисал өчен карамельле груша рецептын тәкъдим итәм.

Ингредиентлар: 300 грамм груша, 50 грамм шикәр комы, 30 грамм атланмай, 2 бал кашыгы лимон согы, 1 бал кашыгы корица.

Табаны сүрән утка куярга, майны шикәр комы һәм лимон согы белән эретергә. Болгатырга кирәкми, бары тик табаны ара-тирә селкетеп алырга була. Әлеге масса карамельгә әверелгән арада грушаны дүрткә бүләргә, орлыгын алырга.

Бу массага төс кергәч, грушаларны табага тезәргә. Корица өстәргә һәм болгатып алырга да 7 минут пешерергә, груша куе карамель соусы белән капланырга тиеш.

Әзер грушаны тәлинкәгә салырга һәм кайнар килеш табынга бирергә. Бу десертка өстәмә буларак, туңдырма салырга яки бөтнек яфрагы белән бизәргә була.

_{Чыганак:https://intertat.tatar/news/15-minutta-grusadan-desert-yasau-recepty-5866376}

_{Фото:https://ru.freepik.com/free-photo/green-pears-wooden-board_10786979.htm#fromView=search&page=1&position=34&uuid=5b897677-33ac-413d-89a8-46387e544258}