20 мартта Апаста Нәүрүз бәйрәме уза

Апастово-информ, 10 март 2022 - 14:57

468

Нәүрүз мөбарәк булсын! Район үзәгендә, Чаңгы шуу базасында язны каршылау – Нәүрүз бәйрәме узачак.

20 март көнне 9.00 сәгатьтә райондашларыбызны бергәләп бәйрәм итәргә чакырабыз. Сезне концерт-тамаша, итек киеп хоккей уйнау, әтәч артыннан чабу, пинбол кебек уеннар, төрле спорт ярышлары көтә. Һәр милләт үз гореф-гадәтләрен, аш-суга осталыгын тәкъдим итә. Карга боткасы, тәмле коймак, кайнар чәй табигать кочагында, дуслар, туганнар, хезмәттәшләр янында тагын да тәмлерәк булачак. Хаски этләре белән фотога төшәргә мөмкин. Зур курчаклар һәркемгә бәйрәм кәефе өстәр. Күңелле чара карачкы яндыру белән тәмамланачак. Апас халкын һәм кунакларны көтеп калабыз! 0+