29 сентябрь - Бөтендөнья йөрәк көне

(29 сентябрь, “Апастово-информ“).

Йөрәк – ныклы сәламәтлек һәм мәхәббәт, бәхет символы да ул.

Статистикага күз салсаң, безнең илдә яшәүче 40 проценттан артык ирләр һәм хатыннар югары кан басымыннан интегә. Ягъни аларның кан басымы еш кына 140/90 күрсәткеченнән югары күтәрелә.

Кан басымы күтәрелмәсен өчен гәүдә авырлыгын контрольдә тотарга, никотин һәм алкогольле эчемлекләр кабул итмәскә, көненә ярты сәгатьтән дә ким булмаган физик йөкләнешне булдырырга, тоз ашауны киметергә, туклану режимын көйләргә, төрләндерергә, кан басымы көндәлеген алып барырга кирәк.