3 шәхси эшмәкәр кибетендә закон бозылу очраклары ачыкланды

Ноябрь аенда район "Госалкоголь" һәм кулланучылар хокукларын яклау инспекциясе белән хокук сакчылары район сәүдә нокталарында, халыктан кергән хәбәрләр буенча шәхси секторда 30 тапкыр алкогольле продукция әйләнешендә Законнар сакланышын тикшерде. 3 шәхси эшмәкәр кибетендә алар закон бозылу очракларын ачыкладылар.

-Шикле, законсыз продукция киштәләрдән алынды. Ел башыннан санасаң, бу күләм 200 литрга якын. Гаепләре расланган, кыек эшләре вакытында тотылган мондый кемсәләр барлыгы 80 мең сумлык штрафка тартылды. Акчалар Закон тупас бозылган шул авыл җирлекләре бюджетына керә һәм кулланыла,-ди Гөлнара Абдрахманова.

Ришат Җамалиев.