480 грамм булып туган иде

1 июньдә, Балаларны яклау көнендә, республиканың иң яхшы акушерлары эшләрендә булган кызыклы хәлләр турында сөйләде. Уфаның Республика клиник перинаталь узәгенең акушерлык дистанцион консультация һәм санитария авиациясе бүлегенең акушер-гинекологы Динар Габдрахманов былтыр Стәрлетамакта булган очрак турында сөйләде.

"Узган ел Стәрлетамакка очтым, - дип сөйли Динар Рөстәм улы. - Пациент йөклелекнең 22нче атнасында иде. Икенче көнне аңа операция ясалды, 480 грамм авырлыктагы бала туды. Бәхеткә, әни дә, бәби дә исән калды. Балага тиздән бер яшь тула. Вакытыннан бик иртә туса да, ул бала инвалид түгел. Яшьтәшләре кебек үк зур түгел, иң мөһиме - сәламәт!"

Фото: yaplakal.com

Автор:Гөлия Мөгаллимова

Чыганак: https://kiziltan.ru/articles/gail-uchagy/2022-06-02/480-gramm-bulyp-tugan-ide-2826483