71 торак пункт өчен Интернет

(26 август, “Апастово-информ“).

Татарстанда социаль мөһим булган объектларның киң полосалы Интернетка тоташуы дәвам итә. Яңа элемтә оптик линияләре республиканың тагын 71 бистәсендә яшәүчеләргә интернет челтәренә чыгарга ярдәм итәчәк. Министр башлыгы урынбасары Альберт Яковлев бу хакта Татарстан Республикасының Санлы Сәнәгать Министрлыгы Советы утырышында сөйләде.

“Быел без Татарстан районнарында социаль мөһим объектларга 533 км. “оптика“ төзедек. Бу программалар санлы гаделсезлеклектә булган проблемаларны чишүгә юнәлтелгән - социаль мөһим объектлардан тыш, 9 меңнән артык кеше яшәгән 71 торак пунктта яшәүчеләр дә югары тизлекле Интернетка керә алачаклар“, - диде Яковлев.

2021нче ел ахырына республиканың социаль мөһим объектлары, ягъни, мәктәпләрдә, фельдшер-акушерлык пунктларында, янгын сүндерү бүлекләрендә югары тизлекле Интернет үткәреләчәк. Эш “Санлы икътисад“ милли проектының “Мәгълүмати инфраструктура“ региональ проекты кысаларында алып барыла.
Агымдагы елның 1нче сентябреннән ярты миллионга якын укучы югары тизлекле интернет белән файдалана алачак.