80 яшьлек әбинең башына пистолеттан атканнар - видео

Башкортстанның Бәләбәй шәһәрендә 64 яшьлек пенсионер ир-ат 80 яшьлек әбинең башына пневматик пистолеттан аткан. Бу турыда Башкортстан буенча Эчке эшләр министрлыгы хәбәр итте.

Бу кешеләр арасында күптәнге низаг була. Чираттагы талаш вакытында 64 яшьлек ир-ат әбине урамда очрата. Ул пневматик пистолетын ала һәм әби ягына таба төзәп өч тапкыр атып җибәрә. Ир-ат әбине куркытмакчы гына була, тик ядрәнең берсе әбинең башына тия. 

Видеокүзәтү камерасы язмасында таякка таянган ир-атның әбигә пистолет төзәп атуы күренә. 

Бәхеткә, әби җитди имгәнмәгән. Ул эшне болай гына калдырмый, полициягә мөрәҗәгать иткән. Әби күршесенең үзенә өч тапкыр пистолеттан атуын әйткән.

Полиция хезмәткәрләре атучы ир-атны бик тиз тоткарлый. Сорау алганда, ул гаебен танып күрсәтмә бирә. Аның пистолетын алганнар. Хулиганлык буенча җинаять эше ачылган, диелә бу хәбәрдә. 

Чыганак: https://02.xn--b1aew.xn--p1ai/news/item/22852711/