9 декабрьдә Апас аграр көллиятендә узган Халыкара Коррупциягә каршы көрәш көне яшьләргә яңа мәгълүматлар бирде

(13 декабрь, “Апастово-информ”).

Яшьләр белән очрашырга район прокуроры урынбасары Лилия Гыйззәтуллина һәм коррупциягә каршы көрәш мәсьәләләре буенча район башлыгы ярдәмчесе Булат Гатиятуллин килде. Чара барышында катлаулы социаль, икътисади һәм сәяси күренеш – коррупциянең барлыкка килү сәбәпләре турында сөйләштеләр. Моңардан тыш, студентларга төп коррупцион күренешләр һәм бу җинаятьне кылучыларга җаваплылык каралганлыгы хакында аңлатылды.
Әлеге мөһим очрашу яшьләргә яңа һәм файдалы мәгълүматлар бирергә ярдәм итте.