921нче номерлы Иске Йомралы участогында сайлаучылар активлык күрсәтә

(13 сентябрь, “Апастово-информ“).

Иске Йомралы сайлау участогы рәисе Рифат Гыйниятуллин сүзләренчә, халык теләп тавыш бирә.

“Сайлаулар 11 сентябрьдә башланып китте. Беренче көнне үк 67 процент сайлаучы катнашты. 12 сентябрьдә 93 процент сайлаучы үз тавышын бирергә өлгерде. Ул көннәрдә килә алмаучылар 13 сентябрьдә иртәдән үк участокка килә башлады“, – диде ул.

Сайлау участогында чәй эчүләр оештырылган. Шулай ук куркынычсызлык һәм иминлек таләпләре дә үтәлә.

Участокта иң өлкән сайлаучы – Хәбирә әби Җиһаншина. Аңа 102 яшь. Хәбирә әбинең янына барып сайлатачаклар.