Абау! Ялган 5 меңлекләр Апаста да йөри.

Ялган 5 меңлекләр таратучы ханым Апаста да булган. Ул "Тамчы" һәм "Звениговский" кибетләрендә булып, 200-300 сумга товар сатып алган. Шулай җиңел генә кесәсенә чын акчаларны шудырган ханымның кырын эшләре Югары Ослан, Буа районнарында һәм Казан шәһәрендә дә күзәтелгән. Бүгенге көндә аны эзләү эшләре бара. Кибетчеләр сурәтләвенчә, 40-45 яшьлек хатын-кыз, буе 160 см. тирәсе, ябык кына, аксыл бәйләнгән шапка, күзлек һәм караңгы төстәге куртка кигән. Әлеге ханымга охшаш кешеләр күргәндә 89196226038 номерына хәбәргә чыгуыгыз сорала.