Аюкөйдергәннән Гыймадиевлар Зөбәрҗәт туйлары уңаеннан котлаулар кабул итте

(6 январь "Апастово-информ").

Дус, тату гаиләдә, әти-әниләре үрнәгендә 5 кыз үскән. Хәзер алар оныклар сөеп, балалар хөрмәте тоеп яшиләр.

"Мәлик абый белән Гөлинә апа икесе дә колхозда эшләп лаеклы ялга чыктылар. Тырыш, намуслы, алдынгы хезмәт ияләре алар", - ди Чирмешән авыл җирлеге башлыгы Айрат Зиннәтуллин.

Озак еллар парлы яшәүче гаиләләр Яңа ел бәйрәмнәре уңаеннан район башлыгы исеменнән бүләкләргә һәм Рәхмәт хатына лаек булды.
"Чирмешән җирлегендә гаилә бәйрәмнәрен каршылаган 4 пар яши. Алар яшьләр өчен үрнәк. Гыймадиевлар да шундый күркәм гаиләләрнең берсе",- ди ЗАГС бүлеге җитәкчесе Розалия Насыйбуллина.