“Ак җилкән“ очрашулар уздыра

Очрашуга әлегә кадәр пар канатын табарга өлгермәгән егет-кызлар чакырылды. Мәдәният хезмәткәрләре яучылык вазифасын үтәп, алар белән төрле әңгәмәләр, уеннар оештырдылар, гаилә, танышу, кавышу серләре турында сөйләделәр.

Кичә җыр-моңнар белән үрелеп барды.

“Егет-кызлар белән чын күңелдән аралаштык. “Ак җилкән“ дигән төркемебезне булдырып, телефон номерларын алмашып, бер-берсе белән сңйләшергә мөмкинлекләр тудырдык“, – ди яучы Альмирә Сәлахова.

Кичәдә Әлмәндәр авыл җирлеге башлыгы Рамил Җәләлиев та катнашты. Ул да җирлектә кавышучы яшь гаиләләрнең күбрәк булуын теләде.

“Ак җилкән“ үз эшен Ябалак мәдәният йортында дәвам итәчәк.