Апас аграр көллияте спорт залында ГТО нормативлары тапшыру бара

Апас аграр көллияте спорт залында бу минутларда 2-11 баскычлы ГТО нормативлары тапшыруга старт бирелде. Ярышларда 9-75 яшьлек 60 тан артык спорт сөюче, 6 район командалары катнаша. Төштән соң алар чаңгы юлында да көч сынашачак. Бу ярышны ачу тантанасында район башкарма комитеты җитәкчесе урынбасары Рөстәм Мингазиев катнашты. Барлык командаларга да Апаста пешерелгән бик тәмле тортлар тапшырылды. Ә җиңүчеләргә исә Диплом-Грамота, медальләр, истәлекле бүләкләр, көллият ашханәсендә барлык кунакларга, спортчыларга җитәрлек итеп бик бай аш-сулы табын әзерләнде.

Ришат Җамалиев.