Апас егете Адель Ахманов тәүге тапкыр тавыш бирде

(15 март, “Апастово-информ”).

Адель Ахманов тормышында истә калырлык сөенечле мизгелләр кичерде. Ул Апас мәктәбе бинасында урнашкан 880нче номерлы сайлау участогына килеп, тәүге тапкыр Россия Федерация Президентын сайлауларында үз тавышын бирде.
“Минем өчен бу көн бик истәлекле. Беренче тапкыр сайлауларда катнашып, үз тавышымны бирдем", - дип горурланды ул.
Адель бүгенге көндә Казан федераль университетының филология һәм мәдәниятара коммуникацияләр институтында белем ала. Студент егет киләчәк турында да еш уйлана, яңалыклар, үзгәрешләр белән да даими кызыксынып тора.