Апас Картинг клубы уңышлары

Быел кышкы һәм жәйге Республикакүләм картинг буенча ярышларда Апас районы спротчылары да актив катнаштылар һәм призлы урыннар яуладылар. «Honda GX-200» классында Апас урта мәктәбе укучылары Камил Сафиуллин өченче урынны, Марат Набиуллин унынчы призлы урынны, Алисә Сафуллина өченче урынны алып кыйммәтле призлар яуладылар. Камил Сафиуллин Эчке эшләр министрлыгы кубогына үткән ярышларда катнашып күчмә кубок һәм приз алып кайтты. Калган егетләр дә уңышлы гына чыгыш ясадылар, үз төркемнәрендә беренче унлыктан төшмәделәр.