“Апас хәбәрләре“ телекомпаниясе – республикакүләм бәйге җиңүчесе

(23 декабрь, “Апастово-информ“).

Әлеге бәйгедә “Апас хәбәрләре“ телекомпаниясе дә катнашты. Алар “Экстремизмга каршы көрәш темасына иң яхшы телесюжет һәм радиосюжет“ номинациясендә икенче урынны яуладылар.

“Апас хәбәрләре“ телекомпаниясе шеф-редакторы Гөлнара Сөнгатуллина “Татмедиа“да узган бүләкләү тантанасында катнашты. Аңа Диплом һәм акчалата бүләк тапшырылды.

Район башлыгы Равил Хисаметдинов традицион дүшәмбе киңәшмәсендә “Апас хәбәрләре“ телекомпаниясенең уңышларын аерым билгеләп үтте, киләчәктә дә уңышлар теләп, Диплом һәм чәчәк бәйләме тапшырды.