Апас “Кояшкай” балалар бакчасы һәм Табар Черкене мәктәбе коллективлары җиңүчеләр булдылар

Район мәгариф бүлеге профсоюз оешмасы карамагында 28 башлангыч оешма бар. 26 декабрьдә Апас мәктәбенең актлар залында "Без бергә булганда көчле" девизы астында башлангыч профсоюз оешмалар агитбригадалары үз эшчәнлекләрен күрсәттеләр. Эчтәлекле, кызыклы чаралар аша алар бердәмлекләрен, профсоюз оешмасының кирәклеген тагын бер кат исбатладылар. Җиңүчеләр булып Табар Черкене мәктәбе һәм "Кояшкай" балалар бакчасы коллективлары танылды. Калган башлангыч профсоюз оешмалары төрле номинацияләр буенча бүләкләнделәр.

- Бу чара бездә беренче тапкыр гына үткәрелсә дә, хезмәткәрләрнең мәнфәгатьләрен яклаучы профсоюз оешмаларының нинди зур көч булуы кабат ассызыкланды, - диде мәгариф бүлеге профсоюз оешмасы җитәкчесе Ирина Хураськина.