Апас өлкәннәренә махсус медицина ярдәме

(26 декабрь, “Апастово-информ”).

Районда моңа кадәр өлкәннәр игътибар үзәгендә булса да, алар өчен аерым, махсус, яшь үзенчәлеген истә тотып дәвалау һәм сәламәтләндерү үзәге юк иде.
Урта Балтайда ачылган гериатрия бүлеге бик күп өлкән яшьтәге кешеләргә исәнлекләрен ныгытырга, өлкән яшьтә килеп чыга торган күп кенә авырулардан, сызланулардан аз булса да котылырга, хәлләрен берникадәр яхшыртырга ярдәм итәчәк.
Дөрес, Урта Балтайда элек өлкән яшьтәгеләр өчен билгеләнгән берничә бүлмә бар иде. Шушы як авылларыннан олыгайган әби-бабайлар килеп, ял итеп китәләр иде. Ләкин, хәзер ачылган гериатрия бүлегенең мөмкинлекләре дә, өлкәннәргә заманча медицина ярдәме күрсәтергә шартлары да бөтенләй башка хәзер.
Әлеге үзәк 2020нче елда бик уңышлы һәм кирәкле объект булды.