Апас мәктәбе республикакүләм «Дус класс серләре” бәйгесенең финал өлешендә район данын яклады

(15 май, “Апастово-информ”).
Бәйге Лаеш районында узды. Әти-әниләр, балалар һәм укытучылар бик матур чыгыш ясады. Аңа кадәр бәйгегә ныклы әзерлек эшләре барды. Бу хакта Апас урта мәктәбенең директор киңәшчесе, 8 “Б” сыйныф җитәкчесе Ләйсән Зиннәтуллина сөйләде. Алар шулай ук “Дус класс серләре” бәйгесенең район, зона турларында җиңеп чыкканнар иде, Шулай ук Казанда узган ярымфиналда да өченче урынга лаек булдылар. Хәзер исә район данын финал өлешендә яклап, “Прорыв года” номинациясе буенча җиңүгә ирештеләр.