Апас мәктәбе укучысы республикакүләм бәйгедә җиңү яулаган

(28 апрель, “Апастово-информ”).

7 апрель көнне Г.Камал исемендәге татар дәүләт академия театры "Шәрык клубы" интерактив мультимедиа комплексы һәм "Белем"радиосы тарафыннан оештырылган "Мәңгелек шигърият" республикакуләм бәйгегә нәтиҗәләр чыгарылган. Бәйгедә Апас мәктәбенең 1 А сыйныфы укучысы Гадел Гатауллин да катнашкан. Ул Габдулла Тукайның "Су анасы" әкиятен сәнгатьле итеп сөйләп, чыгыш ясаган. Гадел югары бәя алган, 1 урынга ия булган.