Апас мәктәбе укучысы Зилә Сафиуллина беренчелекне алды

(1 май, “Апастово-информ”).

Мәктәп укучылары һәм укытучылар арасында үткән “Моңлы саз чыңнары” бәйгесендә райондашларыбыз да катнашты.
Әлеге бәйге бишенче тапкыр узды. Ул Габдулла Тукайның тормыш юлына һәм иҗатына багышланды.
Апас урта мәктәбенең 6В классы укучысы Зилә Сафиуллина (җитәкчесе Индира Сафиуллина) беренче урынны яулады. Бүләкләү тантанасы Арчада узды.
Зилә нәфис сүз остасы буларак, әлегә кадәр дә күп кенә бәйгеләрдә уңыш яулады.