Апас районы башлыгы Айрат Җиһаншин ялга кайткан хәрбиләр белән очрашты

(1 апрель, “Апастово-информ”). 
Махсус хәрби операциядә катнашучы якташларыбызга, аларның батырлыгына район башлыгы рәхмәт белдерде. Очрашу барышында хәрбиләргә түләнә торган махсус пособиеләр, егетләрнең гаиләләренә күрсәтелгән ярдәм чаралары турында сүз барды. Шулай ук биредә материаль техник тәэмин ителеш, көнкүреш шартлары һәм гуманитар ярдәм турында фикер алышынды. Егетләр Апас районы халкына күрсәткән ярдәмнәре һәм теләктәшлек өчен рәхмәт белдерделәр. 
“Алга таба да ярдәмләшеп, аралашып торыйк, егетләр! Бергә һәм бердәм булсак, Җиңү көне тизрәк җитәр, Алла боерса!”, - дип теләде район башлыгы.