Апас районы ГТО нормалары тапшыру буенча җиңү яулады

(27 декабрь, “Апастово-информ”). 

Апас районы ГТО нормаларын тапшыру буенча Татарстан районнары арасында беренче урында. Бу уңышка ирешүебездә Апас спорт мәктәбе тренеры Марсель Хисамовның да өлеше зур. 
“Хезмәткә һәм оборонага әзер” Бөтенроссия физкультура спорт комплексын тормышка ашыруда керткән өлеше өчен Марсель Хисамов “Ел спортчысы” дигән мактаулы исем бирелде. Шулай ук аңа район башлыгы Айрат Җиһаншинның Рәхмәт хаты тапшырылды.