Апас «Салават күпере» балалар бакчасы базасында төбәкара семинар узды

Апастово-информ, 18 апрель 2023 - 14:35

321

Анда Ульян өлкәсеннән һәм Чувашия республикасыннан бер төркем кунаклар, белгечләр һәм Апас районы тәрбиячеләре катнашты.

(18 апрель, “Апастово-информ”).

Семинар “Балалар бакчаларында милли тәрбия бирү” темасына багышланды һәм төбәкара хезмәттәшлек мөнәсәбәтләрен киңәйтү максатыннан үткәрелде.

Семинар барышында Апас “Салават күпере” балалар бакчасы тәрбиячеләре милли ризыклар, милли киемнәр, милли гореф-гадәтләргә багышланган ачык чаралар, мастер-класслар, музыкаль чыгышлар тәкъдим иттеләр.

Түгәрәк өстәл өлешендә Ульян өлкәсе, Чувашия республикасы белгечләре Апас “Салават күпере” балалар бакчасына беркетелгән бакча тәрбиячеләренең эш тәҗрибәсе белән таныштылар.