Апас шоферлары машинадан төшсә, квадроциклга утыра

(28 август, “Апастово-информ”).

Ир-ат үзенең шәхси машинасы белән кагыйдәләргә буйсынмыйча йөреп, әле күптән түгел генә ЮХИДИ хезмәткәрләре белән очрашкан. Шул вакытта аның руль артына исерткечләр кулланган хәлдә утырып, транспорт белән идарә итүе ачыкланган. Озак та үтми ул квадроциклга утырып юлга чыккан. Кабат салмыш килеш. Бу хакта ЮХИДИ бүлегеннән хәбәр иттеләр.

"Шоферга беркетмә төзелде. Бу юлы инде җәза да катырак булачак. Җәзаны суд билгели", - ди ЮХИДИ бүлеге җитәкчесе Румбик Гәрәев.