Апас спорт мәктәбе директоры Ринат Шиәхмәтов үз вазифасыннан китте

(27 сентябрь, “Апастово-информ”).

Ринат Шиәхмәтов вазифасыннан үз теләге белән азат ителгән. Ул спорт мәктәбен 20 елдан артык җитәкләде.
Ринат Шиәхмәтов озак еллардан бирле яшь буынны спортка, сәламәт яшәү рәвешенә тарту эшенә дә зур өлеш кертә. Ул түгәрәкләрдә волейбол уйнау серләрен дә төшендерә. Яшь буынның спортта яулаган уңышларында аның да тырышлыгы зур. Ринат Шиәхмәтов Татарстан Республикасы Спорт министрлыгының Мактау билгесе иясе.
Район башлыгы Равил Хисаметдинов озак еллар намуслы хезмәте өчен Ринат Шиәхмәтовка олы ихтирамын белдереп, Рәхмәт хаты тапшырды.