Апас укучылары район мәшгүльлек үзәге хезмәткәрләре белән очрашты

Казаннан килгән белгечләр, консультант-психологлар Алсу Вылегжанина белән Ирина Халяпина, Апас мәшгүльлек Үзәге җитәкчесе Рамил Сәлахов Апас мәктәбендә өлкән сыйныфларда укучы балалар белән очрашып, аларга профориентация-һөнәр сайлау серләрен төшердерделәр. Бу дәрес-чарада барлыгы 195 укучы катнашты. Аларга махсус анкеталар тараттылар, күңеленә ошаган һөнәрләр турында тәфсилләп аңлаттылар. Район хезмәт һәм мәшгүльлек Үзәгенең эш планы буенча мондый очрашулар март аенда Күккүз, Биеш һәм Йомралы мәктәпләрендә дә үтәчәк. Узган елда мондый файдалы очрашу Каратун мәктәбенең чыгарылыш сыйныфлары өчен дә үткәрелде.