Апас укытучыларына ноутбуклар тапшырыла

(6 май, "Апас-информ").

Заманча ноутбуклар бөтен республика буенча мәктәпләргә Татарстан Президенты Рөстәм Миңнеханов инициативасы һәм Ак Барс Банк ярдәме белән тапшырыла. Барлыгы 12 мең ноутбук тапшыру планлаштырыла.

Апас районында техниканы тапшыру тантанасында Россия Дәүләт Думасы депутаты Марат Нуриев, район башлыгы Айрат Җиһаншин һәм Ак Барс Банк идарәсе рәисе урынбасары Илфан Гобәйдуллин катнашты.

«Бу яңа ноутбуклар укытучыларга нәтиҗәлерәк эшләргә ярдәм итсен. Мәктәпләрне яңа җиһазлар белән тәэмин итүдә ярдәм иткән өчен республикага һәм Ак Барс банкка зур рәхмәт», - дип ассызыклады район башлыгы Айрат Җиһаншин.
11:51