Апас урта мәктәбен зур үзгәрешләр көтә

(14 январь, "Апастово-информ").

Район башлыгы Айрат Җиһаншин әлеге эшкә җаваплы җитәкче-белгечләр белән киңәшмә уздырды.

"Иң мөһиме — уку барышына  зыян китермичә сыйфатлы, заман таләпләренә җавап бирә алырлык ремонт эшләрен башкарып чыгу. Мәктәпләрне комплекслы төзекләндерү буенча уңай тәҗрибәбез бар. Эшләр  Ил башлыгының авыл мәктәпләрен капиталь төзекләндерү программасы нигезендә башкарыла. Апас мәктәбе дә сыйфатлы итеп һәм вакытында төзекләнер дип ышанам", - диде җитәкче.