Апас халык театры – Беренче дәрәҗә Дипломга һәм зур бүләккә ия булды

(12 декабрь, “Апастово-информ”).

Земфира Мөхәммәтшина җитәкчелегендәге Апас халык театры артистлары быел фестивальдә якташыбыз, драматург, режиссер, Татарстанның атказанган сәнгать эшлеклесе Әмир Камалиевның “Борын-борын заманда” әсәрен сәхнәләштергәннәр иде. Аларның чыгышлары зур бәя алды. Бу уңайдан үзешчән артистларыбыз Галиәсгар Камал исемендәге татар дәүләт академия театрында узган бүләкләү тантанасында катнаштылар.
Үзешчән яшь артистларыбыз биредә беренче дәрәҗә Диплом һәм 100 меңлек сертификатка ия булдылар.
Афәрин, уңышларыгыз дәвамлы булсын!