Апас ышанычлы һәм чиста сулы булачак

"Чиста су" дәүләт программасы буенча район үзәгендә 2 айда барлыгы 12,5 километрлы яңа җир асты суүткәргечләре салынды. Шуның 6 километры урамнарны бозмыйча, траншеясыз ысул-җирне горизонталь бораулап тишү юлы белән башкарылды. Апас урамнарында махсус бетон коеларга янгын машиналары өчен барлыгы 28 гидрант куелды. Тагын бер өстәмә су манарасы монтажланачак.

-Иртә яздан, казылган туфрак утырып беткәч, бу траншея-канаулар тигезләнәчәк һәм тирә-юне төзекләндереләчәк. Без сыйфатлы һәм гарантияле эшләргә күнеккән,-ди бу эшләрне башкаручы "Альтаир-1" оешмасы җитәкчесе Ринат Миначев.