Апас зиратында өмә узды

(25 июль, “Апастово-информ”).

Апас зиратында мәңгелек йортның бер өлешен тәртипкә китерделәр. Өмәгә килүчеләр зиратны алдан җыелып куелган чыбык-чабыклардан, чүп-чарлардан арындырдылар, тирә-юньне чистартып куйдылар.
“Өмәдә барлыгы 50гә якын кеше катнашты. Барысы да мәңгелек йортны тәртипкә китерү өчен бар тырышлыкларын куйды. Шулай да, Апас халкының өмәгә азрак җыелуы күңелне бик борчый. Районыбызга еш кына күп кунаклар килә. Алар алдында йөзебезгә кызыллык килмәсен иде. Изге эшне бурычы итеп санаган һәркем өмәләргә кушылсын иде. Зиратларны чистарту эшләре дәвам итәчәк”, - ди Мирхәт хәзрәт Җамалиев.