Апас үзәк хастаханәсендә бәйрәм һәм ял көннәрендә дә вакцина ясыйлар

(2 ноябрь, “Апастово-информ“).

Чир башланган көннән бирле районда 576 кешедә коронавирус чире расланган. Әлеге чирдән 22 райондашыбыз арабыздан китүе мәгълүм.
Районда барлыгы 7991 кеше коронавируска каршы вакцина ясаткан. Әлеге эш дәвам итә.
“Өлкән буын арасында аңлату эшләре алып барып, 60 яшьтән өлкән райондашларның да сәламәтлеген саклау мөһим“, – диде район башлыгы.
Районның баш табибы Алмаз Алиуллин белдергәнчә, район үзәк хастаханәсенең вакцинация кабинеты бәйрәм һәм ялларсыз эшли. Һәр көнне 8.00-16.00 сәгатьләрдә килергә мөмкин.