Апас үзәк китапханәсе “Тылсымлы син, Тау ягы!“ акциясен уздырды

(21 август, “Апастово-информ“).

“Китапханәчеләр район тарихы белән таныштырдылар. Китап укучылар китапханәчеләрне кызыксынып тыңладылар. Туган ягыбыз белән горурланып яшәүләрен яшермәделәр“, – диде район үзәк китапханәсе җитәкчесе Гөлчәчәк Ахманова.

Китапханәчеләр көче белән “Апасым – туган ягым“, “Бәхет биргән җирем – Апасым!“ китап күргәзмәләре әзерләнде. Шулай ук “Апас: кичә, бүген“ фотокүргәзмәсе дә эшләде. Һәр акциядә катнашучы Апас районы турында тулы мәгълүмат язылган белешмәлекләр алды.