Апаска яңа прокурор билгеләнде

Район Советының утырышлар залында Татарстан прокуроры Илдүс Нәфыйков, район башлыгы Рәшид Заһидуллин катнашында киңәшмә булды. Киңәшмәдә район прокуроры итеп Россия Генераль прокуроры боерыгы нигезендә Артур Шәрипов билгеләнде. Артур Шәрипов 1982нче елның 10 октябрендә Яр Чаллы шәһәрендә туган. 2004 елда Казан Дәүләт университетының юридик факультетын тәмамлый. 2004 елда Яр Чаллы прокуратурасы тикшерүчесе булып эшли башлый. Эшен өлкән тикшерүче, бүлек прокуроры, өлкән прокурор вазифаларында дәвам итә. 2009нчы елдан Казанның Авиатөзелеш районы прокуроры урынбасары вазифасын башкара. Өйләнгән, ике кызы бар.