Апаслыларга да премия бирергә мөмкиннәр

-Татарстан хокук сакчылары узган атнада Киров өлкәсендә идән астында җитештерелеп, Татарстан сәүдә киштәләренә куелырга тиешле "Кизляр" коньягы, башка контрафакт алкогольле продукция әзерләүче бер җинаятчел төркемне фаш иткән. Район хокук сакчылары ел башыннан законсыз әйләнештән 60 литрдан артык спиртлы эчемлекне алды. Шундый "кәсепче"ләрне белсәгез, район башкарма комитеты, прокуратура, эчке эшләр бүлеге, кулланучылар хокукларын яклау инспекторы Гөлнара Абдрахманова, авыл җирлекләренә ирештерегез,-ди Шамил Гаффаров.

Хәбәрегезне "Халык контроле" сайтына да урнаштыра аласыз. Ул расланса, уяуларга 3-5 мең сумга кадәр акчалата премия каралган. Татарстанда "Халык контроле" сайтына ел башыннан шундый 200 дән артык хәбәр урнаштырылган, намуслы гражданнарга 150 мең сумнан артык премия тапшырылган.

Ришат Җамалиев.