Апаслылар 27 мәйданчыкта татарча диктант язды

(27 сентябрь, "Апастово-информ").

Районыбызда 27 мәйданчык эшләде.Укучылар, укытучылар, гомумән, киң җәмәгатьчелек белем тикшерү акциясенә кушылды. Бу хакта оештыручылар хәбәр итте.

Чараның максаты татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, хатасыз язу теләге уяту, татар теле белгечләрен һәм туган тел (татар теле) укытучыларын тагын да популярлаштыру. Дөньякүләм санитар-эпидемиологик хәл белэн бәйле рәвештә, быел Акция "ТНВ-Планета" һәм "ТНВ-Татарстан" телеканалларында туры трансляция форматында да үткәрелде.

Мәйданчыкларда диктантны гомуми тикшерү оештырыла. Аерым язучылар эшләрен төшереп ватсап номерына 89534837711 яки tatarchadiktant@gmail.com адресына язган битне сканерлап жибәрә ала.