Апаслылар ярминкәдә катнашты

(27 нче апрель, “Апастово-информ”). 
Районыбызның авыл хуҗалыгы берләшмәләре, фермер хуҗалыклары, шәхси эшмәкәрләр, авыл җирлекләре, мәктәпләр Осиново бистәсендә сыйфатлы авыл хуҗалыгы һәм азык-төлек товарларын тәкъдим итте. 
Ярминкә барышы белән Татарстанның авыл хуҗалыгы һәм азык-төлек министры Марат Җаббаров та танышты. 
“Авыл хуҗалыгы товарларын мулдан алып килдек. Сатып алучылар да иртәдән үк күп килделәр. Һәрбер катнашучыга рәхмәтемне ирештерәм”, - дип хәбәр итте район авыл хуҗалыгы һәм азык-төлек идарәсе җитәкчесе Радик Гыйсмәтов.