Апаслылар республикакүләм ифтар ашында катнаша

(15 апрель, "Апастово-информ").
Республикакүләм ифтарны Татарстан мөфтияте, «Ак Барс Арена» стадионы дирекциясе һәм «Туган авылым» милли-туристик комплексы «Казан Экспо» халыкара күргәзмәләр үзәге мәйданчыгында оештыра. Биредә 11 мең кеше - Татарстанның төрле почмакларыннан дин кардәшләр, шул исәптән мохтаҗлар һәм физик мөмкинлеге чикле кешеләр, төрле дәрәҗәдәге җитәкчеләр, илчеләр катнаша. Алар арасында районыбыз өлкәннәре дә бар.