Апаслылар Россия Конституциясе көнен билгеләп үттеләр

(12 декабрь, “Апастово-информ”).

Бирегә килүче апаслыларны район башкарма комитеты җитәкчесе Алмаз Тугушев сәламләде.
“Конституция - иң югары юридик көчкә ия иң мөһим документ.Ул илдәге хокук системасының үзәге булып тора һәм башка законнарның мәгънәсен, эчтәлеген билгели, тормышның сыйфатын яхшыртырга ярдәм итә. Һәркайсыгызга нык сәламәтлек, иминлек, бәхет телим”, - диде ул.
Бәйрәм киче аллы-гөлле бизәкләргә күмелгән ямьле чыршы янәшәсендә күңелле җыр-моңнар белән үрелеп барды. Район мәдәният хезмәткәрләре үзләренең җырлары белән һәркемгә күтәренке рух, бәйрәм кәефе бүләк иттеләр. Кыш Бабай белән Кар Кызы, төрле әкият геройлары бәйрәмне тагын да җанландырды.