Апасның йөзү бассейнында район башлыгы Кубогына ярышлар узды

Ярышны ачу тантанасында район башкарма комитеты җитәкчесе урынбасары Луиза Сафина катнашып, яшь спортчыларга уңышлар теләде.

Ярышларда район мәктәпләренең яшь спортчылары көчләрен сынап, җитезлекләрен күрсәтте. Аларга нәни йөзүчеләр дә кушылды.  

Нәтиҗәдә, кызлар арасында беренче урынга Альбина Хәйруллина һәм Ләйсән Зәмдиханова, икенче урынга Адилә Җаббарова һәм Алианна Ягуфарова, өченче урынга Василиса Васильева һәм Эльвира Салаватова лаек булды. Ир-егетләр арасында беренче урынны Аскар Зиатдинов белән Салават Гарифуллин, икенче урынны Рәдиф Хәсәнов белән Ранил Илалов, өченче урынны Арслан Мөхәммәтшин белән Салават Шәфигуллин яулады. Барлык җиңүчеләргә Грамоталар, медальләр һәм истәлекле бүләкләр тапшырылды.