Апасның яшь белгечләре хөрмәтләнде

Апас "Электр челтәрләре" компаниясендә яшь белгечләр шактый күп. Апас егете Рафил Заһидуллин шундыйларның берсе. Ул электромонтер булып эшли, хезмәтен һәрчак намус белән башкара. Коллективта да үз кеше ул, һәрчак киңәшеп эшли. Ярдәмчел, тырыш егеткә зур өметләр багълыйлар биредә. Ул читтән торып югары белем дә ала. Үзәк ял паркында үткән Яшьләр көнендә районның төрле тармакта хезмәт күрсәтүче бер төркем яшь белгечләре сәхнә түренә чакырылдылар. Алар арасында Рафил да бар иде. Район башкарма комитеты җитәкчесе Алмаз Гыйбадуллин изге теләкләре белән Рәхмәт хаты һәм истәлекле бүләк тапшырды аларга.
Гөлзада Гатауллина.
Автор фотосы.