Апасның яшь хоккейчысы уңыш яулады

(1 март, “Апастово-информ”).

Яшь хоккейчы Айрат Шәйхетдинов - Танай-турай авылы егете. Ул нәни чагыннан ук хоккей спортын үз итә, яратып шөгыльләнә. Апасның “Алтын Алка” командасы составында уйный. Район данын республика күләмендә дә таныта. Бу көннәрдә Айрат Шәйхетдинов кабат үзенең уңышлары белән сөендергән. Ул «Алтын алка» клубы яшь хоккейчыларының Бөтенроссия ярышларының республика этабы финалы призеры булып танылды. Җырга-моңга гашыйк егет укуында да сынатмый, тапкырлыгы белән дә аерылып тора.