Апаста 11 класс укучылары математикадан Бердәм Дәүләт имтиханы тапшырды

(1 июнь, “Апастово-информ”).

“Математика – 11 класс укучыларына аттестат алу өчен төп фән. Профиль дәрәҗәдәге имтиханны югары уку йортына керүче чыгарылыш укучылары бирә. Калган чыгарылыш укучыларына база дәрәҗәсендә Бердәм Дәүләт имтиханы үткәрелә. Профиль дәрәҗәдән минималь балл - 27, кызыл аттестат алу өчен 70 баллдан да ким булмаска тиеш”, - ди район мәгариф бүлеге җитәкчесе Гөлүсә Галләмиева.

Канәгатьләнерлек билге алмаган, имтиханын сәламәтлеге буенча вакытыннан алда тәмамлаган яки сәламәтлеге аркасында килмәгән укучылар математикадан база яки профиль дәрәҗәсендәге имтиханны өстәмә көннәрдә – 26 июньдә һәм 1 июльдә тапшыра алачак.

Математикадан база дәрәҗәсен тапшырган укучылар нәтиҗәләрен 16 июньнән дә соңга калмыйча, профиль дәрәҗәсен 19 июньнән дә соңга калмыйча белә алачак.