Апаста биек-биек чыршылар һәм беренче Кар бабайлар барлыкка килде

Һәр җирдә Яңа ел рухы сизелә. Урамнардан, оешма-предприятие яныннан узуы да күңелле. Апасның башында ул җем-җем иткән утлары белән сәламләп яшел гүзәлкәйләр каршы ала. Боз сарае яныннан да тыныч кына үтеп китеп булмый. Ирексездән, биредәге матурлыкка, гүзәллеккә күз төшә. Биредә 10 метр биеклектәге чыршы куелган, көяз итеп бизәлгән. Төрле төстәге гирляндалар белән бар җиһан балкыган. Шулай ук хакимият, үзәк хастаханә, ресторан, кибетләр, полиция, электр челтәрләре, коммуналь хуҗалык, редакция, мәктәп тирәсендә дә күзләр камаша.