Апаста “Чиста яр буе” акциясе дәвам итә

Экология елы кысаларында, Татарстан Республикасының Экология һәм табигый байлыклар министрлыгы тарафыннан оештырылган "Чиста яр буе" акциясе дәвам итә. Акция кысаларында сулыкларны, елга-күл буйларын чистарту, тәртипкә китерү күз уңында тотыла. Апасның Табар елгасыннан хасил булган сулык янында да чистарту өмәләре узды. Биредә район хакимияте, мәгариф бүлеге, мәдәният бүлеге, Апас урта мәктәбе, мәдәният йорты, китапханә, аграр көллият коллективлары аеруча зур өлеш кертте.. "Чиста район" оешмасы хезмәткәрләре Раил Гәрәев, Илһам Гайнетдинов, Мансур Гайсин, Анфис Әхмәтҗанов, Наил Заһидуллин Апасның чисталыгына үз өлешләрен кертәләр. Акция барышында да алар тырышып хезмәт итте.