Апаста “Экстремизм һәм терроризмга – юк!“ чарасы узды

Экстремизм һәм терроризмга каршы көрәш айлыгы кысаларында, Апасның Батырлар мемориал комплексы янында "Экстремизм һәм терроризмга - юк!" кичәсе үтте. Биредә районның форпостчылары, Апас урта мәктәбенең "Яшь армияче"ләре, закон бозучыларга каршы эшләү, укучыларның Россия хәрәкәте, мөстәкыйль балалар отрядлары, Татарстан варислары бердәмлеге, экологлары отряды, яшь янгын сүндерүчеләр дружинасы, волонтерлар, тимурчылар катнашты. Кичә барышында әлеге сүзләрнең асылы, куркынычы тагын бер кат аңлатылды. Тәрбияви чарада район башкарма комитеты җитәкчесе урынбасары Рөстәм Мингазиев, район хәрби комиссары Илшат Паймурзин, район мөхтәсибе Мирхәт хәзрәт Җамалиев катнашты һәм чыгыш ясады.