Апаста Герой-шагыйрь Муса Җәлил һәйкәленә чәчәкләр салдылар

(15 февраль, “Апастово-информ”).

“Безнең Апаста Геройга багышланган вакыйгалар байтак: Муса Җәлил урамы төзек һәм матур; Геройга багышлап бюст-һәйкәл урнаштырылды; "Моабит дәфтәре" дип исемләнгән, җәлилчеләр батырлыгын чагылдырган монумент төзелгән. Музейда тирән эчтәлекле күргәзмә эшли”, - ди район туган якны өйрәнү музее җитәкчесе Рәмис Ногманов.
Елдагыча китапханә, музей хезмәткәрләре һәм Апас мәктәбе укытучысы Гүзәл Дәүләтшина җитәкчелегендә мәктәп укучылары катнашында һәйкәл-бюст каршында искә алу чарасы узды, чәчәкләр салынды...
Укучылар бай мәгълүмат ишетте, көннәрен әһәмиятле вакыйгалар белән бәйләп уздырды.